Подтар

Под (pod) — Kubernetes кластерінде іске қосуға болатын ең кіші есептеу бірлігі.

Под бір немесе бірнеше қолданба контейнерлерінің жұмысын қамтамасыз етеді:

• Әдетте под бір контейнерден тұрады және оның үстіндегі қаптама болып табылады. Бұл — Kubernetes кластерінде подтарды пайдаланудың ең кең таралған сценарийі.

• Сирек кездесетін жағдай: под бірнеше контейнерден тұруы мүмкін. Бұл контейнерлер бір-бірімен өзара әрекеттесе алады және подқа тағайындалған ресурстарды (мысалы, сақтау орнын) ортақ пайдаланады.

Kubernetes тұрғысынан бір под — қолданбаның бір данасы. Егер қолданбаның бірнеше данасын істен шығуға төзімділікті қамтамасыз ету үшін пайдалану қажет болса, подтарды репликациялауға және олардың өмірлік циклін басқаруға мүмкіндік беретін жұмыс жүктемесі контроллерлерін (workload controllers) қолданыңыз. Мұндай контроллердің мысалы — Deployment.